要知點樣可以唔踩clutch轉波就要由clutch既作用講起
Clutch 的作用﹐是幫駕駛者在轉波時 match 轉數。
只要駕駛者在轉波時﹐能夠自己 match 得到轉數﹐那麼便不需要 clutch 幫忙﹐
也就是說﹐ 可以不需要踩 clutch 入波了。
無論部車有 3, 4, 5, 6, 7, 14 個波都好﹐
你每個放 clutch engage 的時候﹐
你只是要用 ONE GEAR。
入一波的時候﹐clutch 的用處就是把車呔的"轉數" match 個 engine 既轉數。
因為 engine 一直 run 著﹐ 而車呔原本是不動的。
所以不可以一次過放晒clutch(即彈clutch)，如果唔係會chok到死
一波行順了之後﹐ 以後的 2, 3, 4, 5, 14 波﹐
clutch 的作用﹐ 相反地就是把 engine 的轉數 match 車呔的轉數了。
所以只是一波需要較慢的放 clutch﹐
其余的如果你轉數 match 得好﹐ 基本上慢慢放同彈 clutch 都冇分別。
至於點樣先可以唔踩clutch轉波呢？
正如頭先所講Clutch 的作用﹐是幫駕駛者在轉波時 match 轉數。
只要駕駛者在轉波時﹐
能夠自己 match 得到轉數﹐
那麼便不需要 clutch 幫忙﹐
也就是說﹐
可以不需要踩 clutch 入波了。
只要轉數準(其實不需要太準﹐ 200rpm 內 OK)﹐
一 "park" 入波﹐ 搞惦。
至於點樣match轉數同smooth呢，
我地可以由踭趾同彈clutch呢個動作黎睇
踭趾其實係當你想減速拖波(eg.準備入彎)時，俾一俾空油令引擎keep住轉數
因為平時拖２波的時候引擎轉數會跌得好快，
當進入彎心想俾油架速既時候就要等engine轉數回升，咁自然會影響加速
１ 你右腳腳尖踩brake
２ 左腳踩clutch
３ 左手down shift的同時右腳腳踭同時輕輕俾油直到你想要的轉數(腳尖依然踩住brake)
４ 放clutch
例如你 3 波行緊 2000rpm，想拖 2 波。
轉數你估計會是 3000rpm.
那麼你試試把轉數提昇到 2800-2900 左右彈 clutch 吧，
會比較順 = smooth.
Assume 部車係減緊速。
如果想部車加速﹐
就在彈 clutch 時﹐ 把轉數提高 100-200 rpm.
當然﹐ 提高 "0rpm" 可能會是最準﹐
但不一定等如最順。
返而﹐ 部車可以會 kick 住 kick 住o甘﹐
情況如１波行 600rpm 一樣。
所以轉波既時候轉數同速度可以自己配合得好，
咁就可以唔駛clutch幫助下轉波了！
至於clutch係點樣去幫我地match轉數既呢
其實係同步波箱裡面既同步接合牙既工作
近三十年既私家車已經全部都有同步波箱，所以我地正常只須要踩一下clutch就可以轉波
在還沒有同步牙既時候，以前轉波係須要用到雙重極力子(double de-clutching)呢種技術
其實double de-clutching做法差唔多，只不過係落波時要先去N波同俾多下空油
第一下"空油"是在 N 波時俾的。
原因﹐
當你在 3 波想落 2 波。
一踩 clutch, 推進 "N" 波。
一日未放 clutch,
那個依然是 3 波當時的轉數﹐
而並不是想要的 2 波那(較高的)轉數。
所以這一下空油﹐
當 3 波行緊 3,000 轉。
推進 "N" 波, 放 clutch 後, 俾油至大約 4,000rpm ﹐
令同步牙的轉速跟 2 波的轉數比較接近。
之後才推進 2 波﹐(有需要的話俾多下油 match 轉數), 之後放 clutch。
落波完成。
而第 2 下空油﹐
就要看你第一下油俾成點﹐
以及落波成個動作做得幾快。
但現今的大貨車等還保留舊設計，這點未知是否同步極力子於大馬力大扭力的引擎下有限制…所以楂起來還是要用到這技巧。
礙於波箱內的構造較為複雜難明，只可簡單說踩下極力子只代表飛輪離開波箱而矣；入空波再接合就可以令波箱的轉動軸跟飛輪再接觸…再踩下極力子俾空油轉波時，就可以無需同步牙的幫助下都令到兩者轉速和諧地咬合了。
現今的車因為波箱內已有同步接合牙…所以用雙重極力子已失意義。但用時又給人的感覺會令到同步牙的負荷可被適當地減輕，又會耐用些，所以仍會有一些人會習慣使用這技術。